Today's top 5 Urdu Shayari

ek ik baat meñ sachchā.ī hai us kī lekin

apne va.adoñ se mukar jaane ko jī chāhtā hai

ek ek baat mein sachchai hai us ki lekin

apne wadon se mukar jaane ko ji chahta hai

husn ke samajhne ko umr chāhiye jānāñ

do ghaḌī kī chāhat meñ laḌkiyāñ nahīñ khultīñ

husn ke samajhne ko umr chahiye jaanan

do ghaDi ki chahat mein laDkiyan nahin khultin

ġhazālāñ tum to vāqif ho kaho majnūñ ke marne kī

divāna mar gayā āḳhir ko vīrāne pe kyā guzrī

ghazalan tum to waqif ho kaho majnun ke marne ki

diwana mar gaya aaKHir ko virane pe kya guzri

ham jis ke ho ga.e vo hamārā na ho sakā

yuuñ bhī huā hisāb barābar kabhī kabhī

hum jis ke ho gae wo hamara na ho saka

yun bhi hua hisab barabar kabhi kabhi

ghar se nikal kar jaatā huuñ maiñ roz kahāñ

ik din apnā pīchhā kar ke dekhā jaa.e

ghar se nikal kar jata hun main roz kahan

ek din apna pichha kar ke dekha jae