اپنا سچ اس کو سنانے کے لیے

ہم کو قصوں کا حوالہ چاہیئے

تہہ بہ تہہ کھلتی ہی رہتی ہے سدا

میرؔ کے دیوان سی ہے زندگی

وقت بدلا سوچ بدلی بات بدلی

ہم سے بچے کہہ رہے ہیں ہم نئے ہیں

نیا چار دن میں پرانا ہوا

یہی سب ہوا تو نیا کیا ہوا

خالی دیوار بری لگتی ہے

میری تصویر ہی رہنے دیتے

ہم کتابوں میں جسے پاتے ہیں حارثؔ

آدمی ویسا کوئی ملتا کہاں ہے

صدائیں ڈوبتی ہیں جب

خموشی مسکراتی ہے

کھولو نہ کوئی عیب کسی کا بھی یہاں پر

آسیب کو مل جائے گا دروازہ کھلا سا

انہیں آگے نکل جانے دو حارثؔ

بلائیں کب سے پیچھا کر رہی ہیں