محبت میں بھی کرتا ہوں محبت تم بھی کرتے ہو

مگر دونوں میں منہ دیکھی محبت کون کرتا ہے

ادھر آؤ میں دل کی بات کہہ دوں

کہ تم سے تو کوئی پردہ نہیں ہے

میں تو حسن نظر سمجھتا ہوں

لوگ جس کو شباب کہتے ہیں

سوجھتی ہیں سینکڑوں باتیں مجھے

ہاتھ سے موقعہ نکل جانے کے بعد

جو میرے علم میں نہیں آئی

وہ خطا تو معاف ہو جائے

حسن کو لا جواب کہتے ہیں

غیرت آفتاب کہتے ہیں

لاکھ دنیا خلاف ہو جائے

آپ کا دل تو صاف ہو جائے

ہمیشہ کے لیے وہ جا چکے ہیں

خیال ان کا مگر جاتا نہیں ہے