thaa qasd-e-qatl-e-Gair magar mai.n talab hu.aa jallaad mehrbaan hu.aa kyaa sabab hu.aa afsos kuchh na merii rihaa.ii kaa Dhab hu.aa chhuuTaa udhar qafas se idhar mai.n talab hu.aa tashriif laa.e aap jo mai.n jaa.n-ba-lab hu.aa us vaqt ke bhii aane kaa mujh ko ajab hu.aa niklegii ab na hasart-e-qatl ai nigaah-e-yaas qaatil ko rahm aa gayaa mujh par Gazab hu.aa ho jaa.egaa kuchh aur hii rang ahl-e-hashr kaa qaatil se KHuu.n-bahaa jo hamaaraa talab hu.aa shaayad ba.Dhaa.ii.n yaar ne mannat kii be.Diyaa.n ab kii mujhe junuu.n na hu.aa kyaa sabab hu.aa pinhaa.n tamaam zulmat-e-kufr-o-sitam hu.ii taale.a juu.nhii vo mehr-e-sip.har-e-arab hu.aa ham Duub jaa.e.nge araq-e-infi.aal me.n a.amaal-naama hashr me.n jis dam talab hu.aa itnaa to jazb-e-dil ne dikhaayaa mujhe asar chain us ko bhii na aayaa mai.n betaab jab hu.aa rote the aql-o-hosh hii ko ham to ishq me.n lo ab to dil se sabr bhii ruKHsat-talab hu.aa ai be-KHudii-e-dil mujhe ye bhii KHabar nahii.n kis din bahaar aa.ii mai.n diivaana kab hu.aa shaadii shab-e-visaal kii maatam hu.ii mujhe ha.ngaam-e-sub.h-e-yaar jo ruKHsat-talab hu.aa bose dikhaa dikhaa ke hame.n le rahaa hai ye kyuu.n itnaa be-lihaaz tiraa KHaal-e-lab hu.aa kyaa jaan kar malaal diye kab kaa thaa Gubaar kis roz aasmaa.n se mai.n raahat-talab hu.aa duniyaa me.n ai 'qalaq' jo pur-armaan ham rahe naashaad naa-muraad hamaaraa laqab hu.aa