vīrān zindagī ke ye lamhe ajiib haiñ

bazm-e-tarab meñ dhuum hai furqat dhamāl se

viran zindagi ke ye lamhe ajib hain

bazm-e-tarab mein dhum hai furqat dhamal se

ye zaḳhm-e-anā kaafī hai ai yūsuf-e-daurāñ

is chashm-e-zuleḳhā ko tū ġhamnāk na karnā

ye zaKHm-e-ana kafi hai ai yusuf-e-dauran

is chashm-e-zuleKHa ko tu ghamnak na karna

ghāyal vajūd soch kī baisākhiyāñ liye

milne chalā hai guzre hue māh-o-sāl se

ghayal wajud soch ki baisakhiyan liye

milne chala hai guzre hue mah-o-sal se

munjamid ho zindagī meñ jab kabhī shahr-e-ḳhayāl

phir charāġh-e-dil se us ko jagmagānā chāhiye

munjamid ho zindagi mein jab kabhi shahr-e-KHayal

phir charagh-e-dil se us ko jagmagana chahiye

ashk ke abr-e-ravāñ meñ DhūñDhtī huuñ maiñ tujhe

aas kī in titliyoñ ko bhī Thikānā chāhiye

ashk ke abr-e-rawan mein DhunDhti hun main tujhe

aas ki in titliyon ko bhi Thikana chahiye