Fatima Taj
Sher-o-Shayari 6
is shahr-e-tamannā meñ kyā chhāñv mile mujh ko
hai dhuup ke dāman meñ taptā huā ghar merā
is shahr-e-tamanna mein kya chhanw mile mujh ko
hai dhup ke daman mein tapta hua ghar mera
maanā ki virāsat meñ milī ḳhāna-badoshī
lekin ye zamīñ chhoḌ ke ham jā nahīñ sakte
mana ki wirasat mein mili KHana-badoshi
lekin ye zamin chhoD ke hum ja nahin sakte
ahl-e-ḳhirad ko ab bhī nahīñ hai koī ḳhabar
ahl-e-junūñ bhī karte haiñ fikr-o-nazar kī baat
ahl-e-KHirad ko ab bhi nahin hai koi KHabar
ahl-e-junun bhi karte hain fikr-o-nazar ki baat
maanā ki āshiyānoñ kī ta.amīr ho ga.ī
apnā to āshiyāñ hameñ jaltā huā milā
mana ki aashiyanon ki tamir ho gai
apna to aashiyan hamein jalta hua mila
ye shahr hamārā hai sabhī log haiñ apne
ham log parā.e kabhī kahlā nahīñ sakte
ye shahr hamara hai sabhi log hain apne
hum log parae kabhi kahla nahin sakte
