vo zulm-o-sitam Dhaa.e aur mujh se vafaa maa.nge jaise ko.ii gul kar ke diipak se ziyaa maa.nge jiinaa ba.Dii ne.amat hai jiine kaa chalan siikhe.n achchhaa to nahii.n ko.ii marne kii du.aa maa.nge Gam bhii hai udaasii bhii tanhaa.ii bhii aa.nsuu bhii sab kuchh to mayassar hai dil maa.nge to kyaa maa.nge aa.iin-e-vatan par to dil vaar chuke apnaa naamuus-e-vatan ham se ab ra.ng-e-hinaa maa.nge auqaat hai kyaa us kii vo pesh-e-nazar rakkhe insaa.n na ko.ii apne daaman se sivaa maa.nge ramtaa hu.aa jogii huu.n bahtaa hu.aa paanii huu.n hargiz na ko.ii mujh se ab meraa pataa maa.nge phir chehra-e-qaatil kii nazro.n ko zaruurat hai phir kuucha-e-qaatil kii dil aab-o-havaa maa.nge vo sair-e-gulistaa.n ko 'firdaus' jo aa jaa.e muskaan kalii chaahe raftaar-e-sabaa maa.nge