khel zindagī ke tum khelte raho yaaro

haar jiit koī bhī āḳhirī nahīñ hotī

khel zindagi ke tum khelte raho yaro

haar jit koi bhi aaKHiri nahin hoti

pyaar kā pahlā ḳhat likhne meñ vaqt to lagtā hai

na.e parindoñ ko uḌne meñ vaqt to lagtā hai

pyar ka pahla KHat likhne mein waqt to lagta hai

nae parindon ko uDne mein waqt to lagta hai

kuchh aur sabaq ham ko zamāne ne sikhā.e

kuchh aur sabaq ham ne kitāboñ meñ paḌhe the

kuchh aur sabaq hum ko zamane ne sikhae

kuchh aur sabaq hum ne kitabon mein paDhe the

hameñ pasand nahīñ jañg meñ bhī makkārī

jise nishāne pe rakkheñ batā ke rakhte haiñ

hamein pasand nahin jang mein bhi makkari

jise nishane pe rakkhen bata ke rakhte hain

kahīñ ḳhulūs kahīñ dostī kahīñ pe vafā

baḌe qarīne se ghar ko sajā ke rakhte haiñ

kahin KHulus kahin dosti kahin pe wafa

baDe qarine se ghar ko saja ke rakhte hain

rāhat roTī aasrā nīndeñ davā qamīz

aaj mohabbat bhī huī sapnoñ vaalī chiiz

rahat roTi aasra ninden dawa qamiz

aaj mohabbat bhi hui sapnon wali chiz

dhīre dhīre ho ga.ī ye itnī bad-rañg

jīvan kī poshāk kā bhūle aslī rañg

dhire dhire ho gai ye itni bad-rang

jiwan ki poshak ka bhule asli rang