baiThte jab haiñ khilaune vo banāne ke liye

un se ban jaate haiñ hathiyār ye qissa kyā hai

baiThte jab hain khilaune wo banane ke liye

un se ban jate hain hathiyar ye qissa kya hai

mujh se jaldī haar kar merā harīf

jītne kā lutf saarā le gayā

mujh se jaldi haar kar mera harif

jitne ka lutf sara le gaya

shā.erī hai sarmāyā ḳhush-nasīb logoñ kā

baañs kī har ik Tahnī bāñsurī nahīñ hotī

shaeri hai sarmaya KHush-nasib logon ka

bans ki har ek Tahni bansuri nahin hoti

terī bīnā.ī kisī din chhīn legā dekhnā

der tak rahnā tirā ye ā.inoñ ke darmiyāñ

teri binai kisi din chhin lega dekhna

der tak rahna tera ye aainon ke darmiyan

vo jo qisse meñ thā shāmil vahī kahtā hai mujhe

mujh ko ma.alūm nahīñ yaar ye qissa kyā hai

wo jo qisse mein tha shamil wahi kahta hai mujhe

mujh ko malum nahin yar ye qissa kya hai

dhīre dhīre ho ga.ī ye itnī bad-rañg

jīvan kī poshāk kā bhūle aslī rañg

dhire dhire ho gai ye itni bad-rang

jiwan ki poshak ka bhule asli rang

rāhat roTī aasrā nīndeñ davā qamīz

aaj mohabbat bhī huī sapnoñ vaalī chiiz

rahat roTi aasra ninden dawa qamiz

aaj mohabbat bhi hui sapnon wali chiz