bas ek baar hī toḌā jahāñ ne ahd-e-vafā

kisī se ham ne phir ahd-e-vafā kiyā hī nahīñ

bas ek bar hi toDa jahan ne ahd-e-wafa

kisi se hum ne phir ahd-e-wafa kiya hi nahin

kareñ salām use to koī javāb na de

ilāhī itnā bhī us shaḳhs ko hijāb na de

karen salam use to koi jawab na de

ilahi itna bhi us shaKHs ko hijab na de

mahfil-e-yārāñ meñ dīvānoñ kā aalam kuchh na pūchh

jaam hāthoñ meñ uThā.eñ to chhalaknā chāhiye

mahfil-e-yaran mein diwanon ka aalam kuchh na puchh

jam hathon mein uThaen to chhalakna chahiye

tirī zamīñ se uTheñge to āsmāñ hoñge

ham aise log zamāne meñ phir kahāñ hoñge

teri zamin se uThenge to aasman honge

hum aise log zamane mein phir kahan honge

zindagī vaadī o sahrā kā safar hai kyuuñ hai

itnī vīrān mirī rāh-guzar hai kyuuñ hai

zindagi wadi o sahra ka safar hai kyun hai

itni viran meri rah-guzar hai kyun hai

man ke andar pī base pī ke andar priit

ḳhud meñ itnā Duub jā mil jā.egā miit

man ke andar pi base pi ke andar prit

KHud mein itna Dub ja mil jaega mit

patthar meñ bhī aag hai chheḌo to jal jaa.e

jo is aag meñ tap gayā vo hiirā kahlā.e

patthar mein bhi aag hai chheDo to jal jae

jo is aag mein tap gaya wo hira kahlae

pyāsī dhartī dekh ke bādal uḌ uḌ jaa.e

ye duniyā kī riit hai tarse ko tarsā.e

pyasi dharti dekh ke baadal uD uD jae

ye duniya ki rit hai tarse ko tarsae