کاوش بدری ترقی پسند تحریک سے وابستہ اہم شاعروں میں سے ہیں۔ 1927 کو پیدا ہوئے۔ گورمینٹ محمڈن آرٹ کالج مدراس اور مدراس یونیورسٹی سے تعلیم حاصل کی۔ تعلیم سے فراغت کے بعد یونیورسٹی کی لائبریری میں ہی ملازمت اختیار کی۔ شاعری کا شوق اپنے ماموں حضرت بانگی عبدالقادر دانش فرازی آمبوری کی شاعرانہ صحبتوں میں رہنے کی وجہ سے ہوا۔
1948 میں ’’فن کار‘‘ کے نام سے ایک ادبی ماہنامہ نکالا۔ جس کے ذریعے ترقی پسند فکر کی تشہیر وتوسیع کی کوششیں کیں۔ کاوش بدری نے شاعری بھی کی اور تنقید بھی لکھی۔ کاوش کی شاعری کی ایک اہم خاصیت یہ ہے کہ انہوں نے جنوب کی مقامی زندگی اور اس کے مخلتف رنگوں کو اپنی نظموں میں بہت خوبصورت طریقے سے پیش کیا ہے۔
اتھارٹی کنٹرول :لائبریری آف کانگریس کنٹرول نمبر : no2004100313
