خواب میں نام ترا لے کے پکار اٹھتا ہوں بے_خودی میں بھی مجھے یاد تری یاد کی ہے

تھمے آنسو تو پھر تم شوق سے گھر کو چلے جانا کہاں جاتے ہو اس طوفان میں پانی ذرا ٹھہرے

دل کو سمجھاؤ ذرا عشق میں کیا رکھا ہے کس لیے آپ کو دیوانہ بنا رکھا ہے یہ تو معلوم ہے بیمار میں کیا رکھا ہے تیرے ملنے کی تمنا نے جلا رکھا ہے کون سا بادہ_کش ایسا ہے کہ جس کی خاطر جام پہلے ہی سے ساقی نے اٹھا رکھا ہے اپنے ہی حال میں رہنے دے مجھے اے ہم_دم تیری باتوں نے مرا دھیان بٹا رکھا ہے آتش_عشق سے اللہ بچائے سب کو اسی شعلے نے زمانے کو جلا رکھا ہے میں نے زلفوں کو چھوا ہو تو ڈسیں ناگ مجھے بے_خطا آپ نے الزام لگا رکھا ہے کیسے بھولے ہوئے ہیں گبر و مسلماں دونوں دیر میں بت ہے نہ کعبے میں خدا رکھا ہے

وہی شاگرد پھر ہو جاتے ہیں استاد اے جوہرؔ جو اپنے جان_و_دل سے خدمت_استاد کرتے ہیں

دوست دل رکھنے کو کرتے ہیں بہانے کیا کیا روز جھوٹی خبر_وصل سنا جاتے ہیں