ممنون، میر نظام الدین

میر نظام الدین نام، ممنون تخلص۔ میر قمرالدین منت کے فرزند تھے۔ ان کے آباؤ اجداد سونی پت کے رہنے والے تھے، مگر ممنون کی ولادت تقریبا ۱۷۶۶ء میں دہلی میں ہوئی اور وہیں نشوونما ہوئی۔ اپنے والد کے شاگرد تھے۔ اکبر شاہ ثانی نے ان کو ’’فخر الشعرا ‘‘ کا خطاب عطا کیا۔ ممنونؔ لکھنؤ بھی گئے جہاں سرکار اودھ نے ان کی خاطر خواہ قدردانی کی۔برٹش گورنمنٹ نے انھیں اجمیر میں صدر الصدور کے عہدے پر فائز کیا۔ کبر سنی میں دلی جاکر خانہ نشین ہوگئے اور وہیں مارچ۱۸۴۵ء میں انتقال ہوا۔ کلیات میر نظام الدین ممنون ، مرتبہ ڈاکٹر صدیقہ ارمان، ناشر الوقار پبلیکیشنز، لاہور شائع ہوگئی ہے۔

بحوالۂ:پیمانۂ غزل(جلد اول)،محمد شمس الحق،صفحہ:113