har ek shāḳh thī larzāñ fazā meñ chīḳh-o-pukār

havā ke haath meñ ik āb-dār ḳhanjar thā

har ek shaKH thi larzan faza mein chiKH-o-pukar

hawa ke hath mein ek aab-dar KHanjar tha

lazzat kā zahr vaqt-e-sahr chhoḌ kar koī

shab ke tamām rishte farāmosh kar gayā

lazzat ka zahr waqt-e-sahr chhoD kar koi

shab ke tamam rishte faramosh kar gaya

kisī ko saayā kisī ko gul-o-samar degā

harā-bharā hai daraḳht-e-rivāj rahne do

kisi ko saya kisi ko gul-o-samar dega

hara-bhara hai daraKHt-e-riwaj rahne do

havas-girafta havāo nigāheñ nīchī rakho

shajar khaḌe haiñ saḌak ke qarīn be-parda

hawas-girafta hawao nigahen nichi rakho

shajar khaDe hain saDak ke qarin be-parda

sabza-zāroñ kī sharāfat se na khelo qat.an

tum havā ho to ḳhalāoñ se lipaT kar dekho

sabza-zaron ki sharafat se na khelo qatan

tum hawa ho to KHalaon se lipaT kar dekho