ab kahāñ vo pahlī sī fursateñ mayassar haiñ

saarā din safar karnā saarī raat ġham karnā

ab kahan wo pahli si fursaten mayassar hain

sara din safar karna sari raat gham karna

ham os ke qatre haiñ ki bikhre hue motī

dhokā nazar aa.e to hameñ rol ke dekho

hum os ke qatre hain ki bikhre hue moti

dhoka nazar aae to hamein rol ke dekho

jo tere ġham meñ jale haiñ vo phir bujhe hī nahīñ

jab in kī raakh kuredo sharāre zinda haiñ

jo tere gham mein jale hain wo phir bujhe hi nahin

jab in ki rakh kuredo sharare zinda hain

tire intizār meñ is tarah mirā ahad-e-shauq guzar gayā

sar-e-shām jaise bisāt-e-dil koī ḳhasta-hāl sameT le

tere intizar mein is tarah mera ahad-e-shauq guzar gaya

sar-e-sham jaise bisat-e-dil koi KHasta-haal sameT le

zindagī to sapnā hai kaun 'rām' apnā hai

kyā kisī ko dukh denā kyā kisī kā ġham karnā

zindagi to sapna hai kaun 'ram' apna hai

kya kisi ko dukh dena kya kisi ka gham karna