شیر سنگھ نازجین دہلوی ۱۸۹۸ میں باڑاہندوراو کے ایک متمول اور ذی علم گھرانے میں پیدا ہوئے ۔ ان کے والد لالہ گردھاری لال جین دہلی کے رئیسوں میں سے تھے ۔ ناز مغربی ادبیات کے مطالعے کے بعد اردو کی طرف آگئے اور شعر کہنے گلے ۔ ابتدا میں نواب سراج الدین خاں سائل دہلوی سے اصلاح لی اس کے بعد برق دہلوی کے تلامذہ میں شامل ہوگئے ۔

اپنے خوبصورت ترنم اور عشق ومحبت کے جذبات سے گندھی ہوئی شاعری کی وجہ سے ناز مشاعروں میں بھی بہت مقبول ہوئے ۔ ۱۹۴۷ کے ہنگاموں کا اثر ناز کی طبیعت پر بہت گہرا پڑا اور وہ ادبی وشعری محفلوں سے کنارہ کش ہوگئے اور گوشہ نشینی اختیار کر لی ۔ ۱۹ مارچ ۱۹۶۲ کو ان کا انتقال ہوا ۔ ناز کا مجموعہ کلام ’’ خدنگ ناز ‘‘ کے نام سے ۱۹۶۲ میں شائع ہوا ۔