بانی : تعارف

 

بنیادی حصص دار ہیں جو دنیا کی پی ای ٹی فلم بنانے والی سب سے بڑی کمپنیوں میں شامل ہے۔

اسکول سے حاصل کی، پھر 1980 میں اعلیٰ تعلیم کے لئے آئی آئی ٹی کھڑک پور چلے گئے۔ اس کے بعد وہ اڑیسہ میں اپنی خاندانی تجارت سے وابستہ ہوگئے۔1984 میں انہوں نے اپنی راہ خود بناتے ہوئے پالی پلکس کی بنیاد رکھی اور اسے مثالی اقدار اور ماحول کی حامل ایک غیر معمولی تجارتی تنظیم کی شکل دی جسے صنعتی دنیا اور مالیاتی بازار میں بڑے پیمانے پر احترام کی نگاہوں سے دیکھا جاتا ہے۔ پالی پلکس کو ہندوستان کے ساتھ ساتھ تھائی لینڈ میں بھی ایک درج فہرست (listed) کمپنی کا درجہ حاصل ہے۔

سنجیو صراف نے اپنی صنعتی سرگرمیوں کو وسیع تر کرتے ہوئے کئی

اور تجارتی ادارے بھی قائم کئے ہیں۔ ان میں ’منوپترا‘ بھی شامل ہے جو ہندوستان کی قانون سے متعلق معلومات فراہم کرنے والی ممتاز ترین آن لائن تنظیم ہے۔ اس کے علاوہ اپنی ماحولیاتی فکرمندی کے پیش نظر ، انہوں نے قابل تجدید توانائی کے شعبے میں سرمایہ کاری کرتے ہوئے پنجاب، اتراکھنڈ اور سکم میں کئی پن بجلی پراجکٹ قائم کئے ہیں۔ وہ کئی صنعتوں سے متعلق کمپنیوں کے بورڈوں کے رکن ہیں۔

سنجیو صراف صاحب کی تصانیف میں ’نوائے سروش‘، ’ہزار داستانِ عشق‘، ’بہارِ نغمہ‘،Golden  Verses Golden Voices ، ’اندازِ بیاں اور‘، ’بے لگام شاعری‘، ’شری ہنومان چالیسا‘ اور ’ہر موقع کے لئے شعر‘شامل ہیں۔

اردو ادب کے لیے سنجیو صراف کی نمایاں خدمات کے اعتراف میں انھیں متعدد اعزازات سے نوازا گیا ہے۔ ان میں 2016 میں مولانا آزاد نیشنل اردو یونیورسٹی، حیدرآباد کی جانب سے عطا کی جانے والی ممتاز ڈگری ڈاکٹر آف لیٹرز (ڈی لٹ)، اردو زبان کے تحفظ اور فروغ کے لیے 2018 میں علی گڑھ مسلم یونیورسٹی کی جانب سے دیا جانے والا ’سر سید ایکسیلینس نیشنل ایوارڈ‘، ریختہ فاؤنڈیشن کے ذریعے اردو زبان و ادب کے فروغ کے لیے ان کی خدمات کے اعتراف میں سندھیا اسکول نے انھیں 2020 میں اپنے ممتاز سابق طلبہ کے اعزاز ’مادھو ایوارڈ‘ سے نوازا۔ 2022 میں آئی آئی ٹی کھڑگ پور کی جانب سے انھیں ‘Distinguished Alumni Award’ عطا کیا گیا۔

سنجیو صراف گہرے انسان دوست شخص ہیں اور کمپنی کے فلاحی اقدامات میں ذاتی دلچسپی لیتے ہیں۔ ان میں1200 طلبا پر مشتمل ایک غیر منافعاتی اسکول کا قیام بھی شامل ہے۔ انہیں دیگر علوم کے ساتھ ساتھ اردو شاعری سے گہرا جذباتی تعلق ہے۔ وہ اردو رسم الخط جانتے ہیں اور اردو پڑھ اور لکھ سکتے ہیں۔ انہیں آرٹ اور موسیقی سے بھی گہری دلچسپی ہے۔