rone vaale tujhe rone kaa saliiqa hii nahii.n ashk piine ke liye hai.n ki bahaane ke liye

bhuule se bhii lab par suKHan apnaa nahii.n aataa haa.n haa.n mujhe duniyaa me.n panapnaa nahii.n aataa dil ko sar-e-ulfat bhii hai rusvaa.ii kaa Dar bhii us ko abhii is aa.nch me.n tapnaa nahii.n aataa ye ashk-e-musalsal hai.n mahaz ashk-e-musalsal haa.n naam tumhaaraa mujhe japnaa nahii.n aataa tum apne kaleje pe zaraa haath to rakkho kyuu.n ab bhii kahoge ki ta.Dapnaa nahii.n aataa mai-KHaane me.n kuchh pii chuke kuchh jaam-ba-kaf hai.n saaGar nahii.n aataa hai to apnaa nahii.n aataa zaahid se KHataa.o.n me.n to nikluu.ngaa na kuchh kam haa.n mujh ko KHataa.o.n pe panapnaa nahii.n aataa bhuule the unhii.n ke liye duniyaa ko kabhii ham ab yaad jinhe.n naam bhii apnaa nahii.n aataa dukh jaataa hai jab dil to ubal pa.Dte hai.n aa.nsuu 'mullaa' ko dikhaane kaa ta.Dapnaa nahii.n aataa