بسمل سعیدی کا شمار بیسوی صدی کے خالص کلاسیکی طرز کے شاعروں میں ہوتا ہے۔ ان کی غزلوں میں روایتی مضامین نئے رنگ اور نئی آب وتاب کے ساتھ نظر آتے ہیں۔ لیکن ان کی نظمیں ان کی ایک اور ہی تخلیقی جہت کا پتا دیتی ہیں۔ یہ نظمیں ان تمام مسائل وموضوعات کو محیط ہیں جو ان کے عہد کے پیدا کئے ہوئے تھے۔

بسمل سعیدی کا نام عیسی میاں تھا 6 جنوری 1901 کو ٹونک میں پیدا ہوئے ۔ مدرسہ عالیہ سے عربی اور فارسی کی تعلیم حاصل کرنے کے بعد ریاست ٹونک میں ملازم ہوگئے ۔ 1940 میں جے پور چلے گئے اور ممتازالدولہ نواب مکرم علی خاں رئیس کے مصاحبین میں شامل ہوئے۔  یہاں سات سال قیام کیا اس کے بعد مستقل طور پر دہلی آگئے ۔ 26 اگست 1976 کو دہلی میں ہی انتقال ہوا۔

بسمل سیماب اکبر آبادی کے ممتاز شاگروں میں سے تھے۔