فہمیدہ ریاض کے افسانے

طیراً ابابیل

اس کہانی میں دفتر کی ایک عورت کو ڈکشنری ترتیب دینے کے لیے مختلف الفاظ کی چھان بین سے گزرتے ہوئے اور اس کی توجیہہ پیش کرتے ہوئے دکھایا گیا ہے اس کام میں اس کے ساتھ ایک پوری ٹیم کام کرتی نظر آتی ہے۔ لیکن افسانے کے اختتام پر پوری ٹیم کے افراد خودکش بمبار میں تبدیل ہو جاتے ہیں۔

فعل متعدی

اس افسانے میں اردو زبان کی بقا اس کے نفاذ نیز دیگر زبانوں کی تہذیب کو موضوع بنایا ہے اور اس کے پس پردہ دفتر کے ملازمین کے کام کی نوعیت اور حقایق کو پیش کیا ہے۔ کہانی میں دفتر کے انتظامی امور کی صورت حال کو بیان کرنے کے ساتھ، موقر ادیبوں کی بے وقعتی، اداروں کی غیر ذمہ داری اور نااہلی کو بھی واضح کیا ہے۔

دفتر میں ایک دن

دفتر میں ایک دن، دفتری نظام میں پائی جانے والی خرابیوں کو بیان کرنے کے ساتھ زبان کے معاملے میں کٹر پنتھی کو پیش کرتی ہے۔ اس کے علاوہ کسی کام کی تکمیل کے لیے تحفے، اقربا پروری اور یکساں فرقے سے تعلق رکھنے والے افراد کی کیا حیثیت ہوتی ہے اسے واضح کرتی ہے۔