ābādiyoñ meñ dasht kā manzar bhī aa.egā

guzroge shahr se to mirā ghar bhī aa.egā

aabaadiyon mein dasht ka manzar bhi aaega

guzroge shahr se to mera ghar bhi aaega

ik be-qarār dil se mulāqāt kījiye

jab mil ga.e haiñ aap to kuchh baat kījiye

ek be-qarar dil se mulaqat kijiye

jab mil gae hain aap to kuchh baat kijiye

karnā hai shā.irī agar 'naushād'

'mīr' kā kulliyāt yaad karo

karna hai shairi agar 'naushad'

'mir' ka kulliyat yaad karo

sāmne us ke ek bhī na chalī

dil meñ bāteñ hazār le ke chale

samne us ke ek bhi na chali

dil mein baaten hazar le ke chale

zindagī muḳhtasar milī thī hameñ

hasrateñ be-shumār le ke chale

zindagi muKHtasar mili thi hamein

hasraten be-shumar le ke chale