baap ziina hai jo le jaatā hai ūñchā.ī tak

maañ duā hai jo sadā sāya-figan rahtī hai

bap zina hai jo le jata hai unchai tak

man dua hai jo sada saya-figan rahti hai

be-sadā sī kisī āvāz ke pīchhe pīchhe

chalte chalte maiñ bahut duur nikal jaatā huuñ

be-sada si kisi aawaz ke pichhe pichhe

chalte chalte main bahut dur nikal jata hun

ham apne shahr se ho kar udaas aa.e the

tumhāre shahr se ho kar udaas jaanā thā

hum apne shahr se ho kar udas aae the

tumhaare shahr se ho kar udas jaana tha

is ga.e saal baḌe zulm hue haiñ mujh par

ai na.e saal masīhā kī tarah mil mujh se

is gae sal baDe zulm hue hain mujh par

ai nae sal masiha ki tarah mil mujh se

vo koī aam sā hī jumla thā

tere muñh se burā lagā mujh ko

wo koi aam sa hi jumla tha

tere munh se bura laga mujh ko