saañs lene ko hī jiinā nahīñ kahte haiñ 'zafar'

zindagī thī jo tire vasl kā imkāñ hotā

sans lene ko hi jina nahin kahte hain 'zafar'

zindagi thi jo tere wasl ka imkan hota

un kī mahfil meñ 'zafar' log mujhe chāhte haiñ

vo jo kal kahte the dīvāna bhī saudā.ī bhī

un ki mahfil mein 'zafar' log mujhe chahte hain

wo jo kal kahte the diwana bhi saudai bhi

zahr hai mere rag-o-pai meñ mohabbat shāyad

apne hī Dañk se bichchhū kī tarah mar jā.ūñ

zahr hai mere rag-o-pai mein mohabbat shayad

apne hi Dank se bichchhu ki tarah mar jaun

aa mire chāñd raat suunī hai

baat bantī nahīñ sitāroñ se

aa mere chand raat suni hai

baat banti nahin sitaron se

paanī ko aag kah ke mukar jaanā chāhiye

palkoñ pe ashk ban ke Thahar jaanā chāhiye

pani ko aag kah ke mukar jaana chahiye

palkon pe ashk ban ke Thahar jaana chahiye