aaina-dar-aina qad-awari ka karb hai

ā.īna-dar-ā.īna qad-āvarī kā karb hai

gum-shuda dānish-varī hai ḳhud-sarī kā karb hai

merā dukh ye hai ki maiñ nā-mo'tabar lashkar meñ huuñ

sar-ba-neza maiñ nahīñ huuñ ik jarī kā karb hai

bhuuk ko nisbat nahīñ gehūñ kī paidāvār se

merā dastar-ḳhvān ḳhālī tashtarī kā karb hai

ik taraf yāroñ kī yaarī kā bharam khultā huā

ik taraf iḳhlās kī baḳhiya-garī kā karb hai

apne darvāze pe baiThā sochtā rahtā huuñ maiñ

merā ghar ajdād kī bāra-darī kā karb hai

vo zamāna hai ki ab tār-e-nafas bhī hai girāñ

ba.ad kī manzil to bas ḳhush-paikarī kā karb hai

vaqt kī mīzān par bīnā.ī ḳhandāñ hai 'sharar'

kor-bīnoñ meñ bhī ab dīda-varī kā karb hai

aaina-dar-aina qad-awari ka karb hai

gum-shuda danish-wari hai KHud-sari ka karb hai

mera dukh ye hai ki main na-mo'tabar lashkar mein hun

sar-ba-neza main nahin hun ek jari ka karb hai

bhuk ko nisbat nahin gehun ki paidawar se

mera dastar-KHwan KHali tashtari ka karb hai

ek taraf yaron ki yari ka bharam khulta hua

ek taraf iKHlas ki baKHiya-gari ka karb hai

apne darwaze pe baiTha sochta rahta hun main

mera ghar ajdad ki bara-dari ka karb hai

wo zamana hai ki ab tar-e-nafas bhi hai giran

baad ki manzil to bas KHush-paikari ka karb hai

waqt ki mizan par binai KHandan hai 'sharar'

kor-binon mein bhi ab dida-wari ka karb hai