aanchal mein nazar aati hain kuchh aur si aankhen

āñchal meñ nazar aatī haiñ kuchh aur sī āñkheñ

chhā jaatī haiñ ehsās pe billor sī āñkheñ

rahtī hai shab-o-roz meñ bārish sī tirī yaad

ḳhvāboñ meñ utar jaatī haiñ ghanghor sī āñkheñ

paimāne se paimāne talak bāda-e-la.alīñ

āġhāz se anjām talak daur sī āñkheñ

le kar kahāñ rahtī rahī motī sī vo sūrat

le kar kahāñ phirtā rahā meñ gor sī āñkheñ

vaqt aane pe aa.ī na nazar gardish-e-aflāk

baiThā rahā le kar maiñ kisī aur sī āñkheñ

tabdīlī tire dekhte rahne se ye aa.ī

bin baiThīñ tasalsul se tire tuur sī āñkheñ

bil-farz nikal jā.ūñ kisī andhe safar par

bāñdhe hue rakhtī haiñ mujhe Dor sī āñkheñ

har baar kināre se lagā kar chalī jaa.eñ

dhuñdlāhaToñ meñ ġhamza-e-filfaur sī āñkheñ

kyā jaane 'naved' aur hī kar jaa.eñ ujālā

qirtās-e-farozāñ pe tirī kor sī āñkheñ

aanchal mein nazar aati hain kuchh aur si aankhen

chha jati hain ehsas pe billor si aankhen

rahti hai shab-o-roz mein barish si teri yaad

KHwabon mein utar jati hain ghanghor si aankhen

paimane se paimane talak baada-e-lalin

aaghaz se anjam talak daur si aankhen

le kar kahan rahti rahi moti si wo surat

le kar kahan phirta raha mein gor si aankhen

waqt aane pe aai na nazar gardish-e-aflak

baiTha raha le kar main kisi aur si aankhen

tabdili tere dekhte rahne se ye aai

bin baiThin tasalsul se tere tur si aankhen

bil-farz nikal jaun kisi andhe safar par

bandhe hue rakhti hain mujhe Dor si aankhen

har bar kinare se laga kar chali jaen

dhundlahaTon mein ghamza-e-filfaur si aankhen

kya jaane 'nawed' aur hi kar jaen ujala

qirtas-e-farozan pe teri kor si aankhen