aankhon mein hai basa hua tufan dekhna

āñkhoñ meñ hai basā huā tūfān dekhnā

nikle haiñ dil se yuuñ mire armān dekhnā

bhūlā huuñ jis ke vāste maiñ apne aap ko

vo bhī hai mere haal se anjān dekhnā

dekhā jo muskurāte hue aaj un ko phir

raushan huā hai jiine kā imkān dekhnā

hai harf harf zaḳhm kī sūrat khilā huā

fursat mile to tum mirā dīvān dekhnā

chāroñ taraf hai phailā huā sabza-zār sā

bādal kā hai zamīn par ehsān dekhnā

āñkhoñ meñ ashk lab pe fuġhāñ dil figār sā

rāh-e-vafā meñ jiine kā sāmān dekhnā

chaltā huuñ ehtiyāt se 'fārūq' is liye

kar luuñ na phir kahīñ koī nuqsān dekhnā

aankhon mein hai basa hua tufan dekhna

nikle hain dil se yun mere arman dekhna

bhula hun jis ke waste main apne aap ko

wo bhi hai mere haal se anjaan dekhna

dekha jo muskuraate hue aaj un ko phir

raushan hua hai jine ka imkan dekhna

hai harf harf zaKHm ki surat khila hua

fursat mile to tum mera diwan dekhna

chaaron taraf hai phaila hua sabza-zar sa

baadal ka hai zamin par ehsan dekhna

aankhon mein ashk lab pe fughan dil figar sa

rah-e-wafa mein jine ka saman dekhna

chalta hun ehtiyat se 'faruq' is liye

kar lun na phir kahin koi nuqsan dekhna