aankhon se wo kabhi meri ojhal nahin raha

āñkhoñ se vo kabhī mirī ojhal nahīñ rahā

ġhāfil maiñ us kī yaad se ik pal nahīñ rahā

kyā hai jo us ne duur basā lī haiñ bastiyāñ

āḳhir mirā dimāġh bhī avval nahīñ rahā

laao to sirr-e-dahr ke mafhūm kī ḳhabar

uqda agarche koī bhī mohmal nahīñ rahā

shāyad na pā sakūñ maiñ surāġh-e-dayār-e-shauq

qibla durust karne kā kas-bal nahīñ rahā

dasht-e-fanā meñ dekhā musāvāt kā uruuj

ashraf nahīñ rahā koī asfal nahīñ rahā

hai jis kā taḳht sajda-gah-e-ḳhās-o-ām-e-shahr

maiñ us se milne ke liye be-kal nahīñ rahā

jis dam jahāñ se Doltī Dolī hī uTh ga.ī

tabl o alam to kyā koī manDal nahīñ rahā

aankhon se wo kabhi meri ojhal nahin raha

ghafil main us ki yaad se ek pal nahin raha

kya hai jo us ne dur basa li hain bastiyan

aaKHir mera dimagh bhi awwal nahin raha

lao to sirr-e-dahr ke mafhum ki KHabar

uqda agarche koi bhi mohmal nahin raha

shayad na pa sakun main suragh-e-dayar-e-shauq

qibla durust karne ka kas-bal nahin raha

dasht-e-fana mein dekha musawat ka uruj

ashraf nahin raha koi asfal nahin raha

hai jis ka taKHt sajda-gah-e-KHas-o-am-e-shahr

main us se milne ke liye be-kal nahin raha

jis dam jahan se Dolti Doli hi uTh gai

tabl o alam to kya koi manDal nahin raha