aansu to koi aankh mein laya nahin hun main

aañsū to koī aañkh meñ laayā nahīñ huuñ maiñ

jaisā magar lagā tumheñ vaisā nahīñ huuñ maiñ

ab mubtalā-e-ishq zyāda nahīñ huuñ maiñ

kahte ho tum yahī to phir achchhā nahīñ huuñ maiñ

ḳhūbī na ho koī magar itnā to hai zarūr

jhūTī lage jo baat vo kahtā nahīñ huuñ maiñ

paanī pe bante aks kī mānind huuñ magar

āñkhoñ meñ koī bhar le to miTtā nahīñ huuñ maiñ

is tarah ḳhud ko mujh pe numāyāñ na kījiye

insān huuñ huzūr farishta nahīñ huuñ maiñ

rastoñ ke ḳham va pech meñ aisā rahā huuñ ġharq

ab tak kisī maqām pe Thahrā nahīñ huuñ maiñ

saudā hai mere sar meñ to pairoñ meñ bhī hai dam

chaltā huuñ ek baar to ruktā nahīñ huuñ maiñ

maano mirī bhī baat ki sab kuchh luTā ke bhī

jiitā huuñ us ke ishq meñ haarā nahīñ huuñ maiñ

sun lo 'hilāl' aaj hī sunñā hai jo ġhazal

phir mujh se mat ye kahnā sunātā nahīñ huuñ maiñ

aansu to koi aankh mein laya nahin hun main

jaisa magar laga tumhein waisa nahin hun main

ab mubtala-e-ishq zyaada nahin hun main

kahte ho tum yahi to phir achchha nahin hun main

KHubi na ho koi magar itna to hai zarur

jhuTi lage jo baat wo kahta nahin hun main

pani pe bante aks ki manind hun magar

aankhon mein koi bhar le to miTta nahin hun main

is tarah KHud ko mujh pe numayan na kijiye

insan hun huzur farishta nahin hun main

raston ke KHam wa pech mein aisa raha hun gharq

ab tak kisi maqam pe Thahra nahin hun main

sauda hai mere sar mein to pairon mein bhi hai dam

chalta hun ek bar to rukta nahin hun main

mano meri bhi baat ki sab kuchh luTa ke bhi

jita hun us ke ishq mein haara nahin hun main

sun lo 'hilal' aaj hi sunna hai jo ghazal

phir mujh se mat ye kahna sunata nahin hun main