aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aasman tak jo nala pahuncha hai

Asrarul Haq Majaz

aasman tak jo nala pahuncha hai

Asrarul Haq Majaz

MORE BYAsrarul Haq Majaz

    āsmāñ tak jo naala pahuñchā hai

    dil gahrā.iyoñ se niklā hai

    merī nazroñ meñ hashr bhī kyā hai

    maiñ ne un jalāl dekhā hai

    jalva-e-tūr ḳhvāb-e-mūsā hai

    kis ne dekhā hai kis ko dekhā hai

    haa.e anjām is safīne

    nāḳhudā ne jise Duboyā hai

    aah kyā dil meñ ab lahū bhī nahīñ

    aaj ashkoñ rañg phīkā hai

    jab bhī āñkheñ milīñ un āñkhoñ se

    dil ne dil mizāj pūchhā hai

    vo javānī ki thī harīf-e-tarab

    aaj barbād-e-jām-o-sahbā hai

    kaun uTh kar chalā muqābil se

    jis taraf dekhiye añdherā hai

    phir mirī aañkh ho ga.ī namnāk

    phir kisī ne mizāj pūchhā hai

    sach to ye hai 'majāz' duniyā

    husn aur ishq ke sivā kyā hai

    aasman tak jo nala pahuncha hai

    dil ki gahraiyon se nikla hai

    meri nazron mein hashr bhi kya hai

    main ne un ka jalal dekha hai

    jalwa-e-tur KHwab-e-musa hai

    kis ne dekha hai kis ko dekha hai

    hae anjam is safine ka

    naKHuda ne jise Duboya hai

    aah kya dil mein ab lahu bhi nahin

    aaj ashkon ka rang phika hai

    jab bhi aankhen milin un aankhon se

    dil ne dil ka mizaj puchha hai

    wo jawani ki thi harif-e-tarab

    aaj barbaad-e-jam-o-sahba hai

    kaun uTh kar chala muqabil se

    jis taraf dekhiye andhera hai

    phir meri aankh ho gai namnak

    phir kisi ne mizaj puchha hai

    sach to ye hai 'majaz' ki duniya

    husn aur ishq ke siwa kya hai

    Source:

    Kulliyaat-e-Majaz (Pg. 213)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now