aayat-e-husn ki jab maine tilawat ki thi

āyat-e-husn kī jab maiñ ne tilāvat kī thī

ishq ne aa ke mire haath pe bai.at kī thī

jab subūt aur zamāna thā mohabbat ke ḳhilāf

maiñ ne us vaqt zuleḳhā kī himāyat kī thī

mujh ko marne na diyā sher utāre mujh par

ishq ne bas ye mire saath ri.āyat kī thī

garm bāzār hai dil kā to ḳhasāra hī sahī

tai ḳharīdār se maiñ ne yahī qīmat kī thī

tum jo phir pūchhne aa.e ho unhī bātoñ kī

maiñ ne chup rah ke ka.ī baar vazāhat kī thī

aayat-e-husn ki jab main ne tilawat ki thi

ishq ne aa ke mere hath pe baiat ki thi

jab subut aur zamana tha mohabbat ke KHilaf

main ne us waqt zuleKHa ki himayat ki thi

mujh ko marne na diya sher utare mujh par

ishq ne bas ye mere sath riayat ki thi

garm bazar hai dil ka to KHasara hi sahi

tai KHaridar se main ne yahi qimat ki thi

tum jo phir puchhne aae ho unhi baaton ki

main ne chup rah ke kai bar wazahat ki thi