ab ke junun mein lazzat-e-azar bhi nahin

Bashir Farooqi

ab ke junun mein lazzat-e-azar bhi nahin

Bashir Farooqi

MORE BYBashir Farooqi

    ab ke junūñ meñ lazzat-e-āzār bhī nahīñ

    zaḳhm-e-jigar meñ surḳhi-e-ruḳhsār bhī nahīñ

    ham tere paas aa ke pareshān haiñ bahut

    ham tujh se duur rahne ko tayyār bhī nahīñ

    ye hukm hai ki sauñp do nazm-e-chaman unheñ

    nazm-e-chaman se jin ko sarokār bhī nahīñ

    toḌā hai us ne dil ko mire kitne husn se

    āvāz bhī nahīñ koī jhankār bhī nahīñ

    ham pārsā haiñ phir bhī tire dast-e-nāz se

    mil jaa.e koī jaam to inkār bhī nahīñ

    Thahre agar to duur nikal jā.egī hayāt

    chalte raho ki fursat-e-dīdār bhī nahīñ

    jashn-e-bahār dekhne vāloñ ko dekhiye

    dāman meñ jin ke phuul to kyā ḳhaar bhī nahīñ

    ab ke junun mein lazzat-e-azar bhi nahin

    zaKHm-e-jigar mein surKHi-e-ruKHsar bhi nahin

    hum tere pas aa ke pareshan hain bahut

    hum tujh se dur rahne ko tayyar bhi nahin

    ye hukm hai ki saunp do nazm-e-chaman unhen

    nazm-e-chaman se jin ko sarokar bhi nahin

    toDa hai us ne dil ko mere kitne husn se

    aawaz bhi nahin koi jhankar bhi nahin

    hum parsa hain phir bhi tere dast-e-naz se

    mil jae koi jam to inkar bhi nahin

    Thahre agar to dur nikal jaegi hayat

    chalte raho ki fursat-e-didar bhi nahin

    jashn-e-bahaar dekhne walon ko dekhiye

    daman mein jin ke phul to kya KHar bhi nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY