abas DhunDa kiye hum na-KHudaon ko safinon mein

abas DhūñDā kiye ham nā-ḳhudāoñ ko safīnoñ meñ

vo the āsūda-e-sāhil mile sāhil-nashīnoñ meñ

vo auroñ ke butoñ ko toḌne vāloñ ko dekho to

chhupā.e phirte haiñ apne butoñ ko āstīnoñ meñ

hamārī bekasī aur nā-tavānī kā ḳhudā hāfiz

ki talvāreñ haiñ pinhāñ rahbaroñ kī āstīnoñ meñ

chhalak jaatī hai ashk-e-garm ban kar merī āñkhoñ se

Thahartī hī nahīñ sahbā-e-dard in ābgīnoñ meñ

mire ash.ār haiñ ā.īna-e-soz-e-darūñ 'bazmī'

jhalaktā hai mirā ḳhūn-e-jigar in ābgīnoñ meñ

abas DhunDa kiye hum na-KHudaon ko safinon mein

wo the aasuda-e-sahil mile sahil-nashinon mein

wo auron ke buton ko toDne walon ko dekho to

chhupae phirte hain apne buton ko aastinon mein

hamari bekasi aur na-tawani ka KHuda hafiz

ki talwaren hain pinhan rahbaron ki aastinon mein

chhalak jati hai ashk-e-garm ban kar meri aankhon se

Thaharti hi nahin sahba-e-dard in aabginon mein

mere ashaar hain aaina-e-soz-e-darun 'bazmi'

jhalakta hai mera KHun-e-jigar in aabginon mein