abhi gunah ka mausam hai aa shabab mein aa

abhī gunāh kā mausam hai aa shabāb meñ aa

nasha utarne se pahle mirī sharāb meñ aa

dhanak sī ḳhvāb sī ḳhushbū sī phir baras mujh par

na.ī ġhazal kī tarah tū mirī kitāb meñ aa

uThā na der tak ehsān mausam-e-gul kā

maiñ zindagī huuñ mujhe jī mire azaab meñ aa

vo mere lab ke parinde vo terā jhīl-badan

bujhā na pyaas mirī tū magar sarāb meñ aa

tire darīche se hai duur merā darvāza

agar tū dard hai merā to dil ke baab meñ aa

maiñ tujh ko jāgtī āñkhoñ se chhū sakūñ na kabhī

mirī anā kā bharam rakh le mere ḳhvāb meñ aa

abhi gunah ka mausam hai aa shabab mein aa

nasha utarne se pahle meri sharab mein aa

dhanak si KHwab si KHushbu si phir baras mujh par

nai ghazal ki tarah tu meri kitab mein aa

uTha na der tak ehsan mausam-e-gul ka

main zindagi hun mujhe ji mere azab mein aa

wo mere lab ke parinde wo tera jhil-badan

bujha na pyas meri tu magar sarab mein aa

tere dariche se hai dur mera darwaza

agar tu dard hai mera to dil ke bab mein aa

main tujh ko jagti aankhon se chhu sakun na kabhi

meri ana ka bharam rakh le mere KHwab mein aa