abhi tak hausla Thahra hua hai
abhī tak hausla Thahrā huā hai
nafas kā silsila Thahrā huā hai
ragoñ par aaj bhī hai larza taarī
nigah meñ hādsa Thahrā huā hai
faqat qābīl ne buniyād Daalī
abhī tak silsila Thahrā huā hai
bas ik tār-e-nafas kā TūTnā hai
yahī ik hādsa Thahrā huā hai
nazar kī chuuk thī bas ek lamha
sadī kā qāfila Thahrā huā hai
jahāñ tak paañv mere jā sake haiñ
vahīñ tak rāsta Thahrā huā hai
vo ham se ruuTh kar bhī duur kab haiñ
diloñ kā rābta Thahrā huā hai
vahī qātil vahī munsif banā hai
usī se faisla Thahrā huā hai
abhi tak hausla Thahra hua hai
nafas ka silsila Thahra hua hai
ragon par aaj bhi hai larza tari
nigah mein hadsa Thahra hua hai
faqat qabil ne buniyaad Dali
abhi tak silsila Thahra hua hai
bas ek tar-e-nafas ka TuTna hai
yahi ek hadsa Thahra hua hai
nazar ki chuk thi bas ek lamha
sadi ka qafila Thahra hua hai
jahan tak panw mere ja sake hain
wahin tak rasta Thahra hua hai
wo hum se ruTh kar bhi dur kab hain
dilon ka rabta Thahra hua hai
wahi qatil wahi munsif bana hai
usi se faisla Thahra hua hai
- Book : Mata-e-Aainda (Pg. 14)
- Author : Abdussamad Tapish
- Publication : Abdussamad Tapish (2000)
- Edition : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
