altaf-o-karam ghaiz-o-ghazab kuchh bhi nahin hai
altāf-o-karam ġhaiz-o-ġhazab kuchh bhī nahīñ hai
thā pahle bahut kuchh magar ab kuchh bhī nahīñ hai
barsāt ho sūraj se samundar se uge aag
mumkin hai har ik baat ajab kuchh bhī nahīñ hai
dil hai ki havelī koī sunsān sī jis meñ
ḳhvāhish hai na hasrat na talab kuchh bhī nahīñ hai
ab ziist bhī ik lamha-e-sākit hai ki jis meñ
hañgāma-e-din garmī-e-shab kuchh bhī nahīñ hai
sab quvvat-e-bāzū ke karishmāt haiñ 'rāhī'
kyā chiiz hai ye nām-o-nasab kuchh bhī nahīñ hai
altaf-o-karam ghaiz-o-ghazab kuchh bhi nahin hai
tha pahle bahut kuchh magar ab kuchh bhi nahin hai
barsat ho suraj se samundar se uge aag
mumkin hai har ek baat ajab kuchh bhi nahin hai
dil hai ki haweli koi sunsan si jis mein
KHwahish hai na hasrat na talab kuchh bhi nahin hai
ab zist bhi ek lamha-e-sakit hai ki jis mein
hangama-e-din garmi-e-shab kuchh bhi nahin hai
sab quwwat-e-bazu ke karishmat hain 'rahi'
kya chiz hai ye nam-o-nasab kuchh bhi nahin hai
- Book : Aiwan (Pg. 93)
- Author : Manazir Ashiq Harganvi & Shahid Nayeem
- Publication : Nirali Duniya (1998)
- Edition : 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
