apni sansen meri sanson mein mila ke rona

apnī sāñseñ mirī sāñsoñ meñ milā ke ronā

jab bhī ronā mujhe siine se lagā ke ronā

qaid-e-tanhā.ī se niklā huuñ abhī jān-e-safar

mujh se milnā mujhe zulfoñ meñ chhupā ke ronā

itnā saffāk na thā ghar kā ye manzar pahle

tirī yādoñ ke charāġhoñ ko bujhā ke ronā

ham ne is tarah bhī kaaTī haiñ bahut sī rāteñ

dil ke ḳhush rakhne ko afsāne sunā ke ronā

kitne be-dard haiñ is des meñ rahne vaale

apne hāthoñ tujhe suulī pe chaḌhā ke ronā

ġham-e-daurāñ ne tire lutf kī mohlat hī na dī

ye bhī honā thā sar-e-shab tujhe pā ke ronā

apni sansen meri sanson mein mila ke rona

jab bhi rona mujhe sine se laga ke rona

qaid-e-tanhai se nikla hun abhi jaan-e-safar

mujh se milna mujhe zulfon mein chhupa ke rona

itna saffak na tha ghar ka ye manzar pahle

teri yaadon ke charaghon ko bujha ke rona

hum ne is tarah bhi kaTi hain bahut si raaten

dil ke KHush rakhne ko afsane suna ke rona

kitne be-dard hain is des mein rahne wale

apne hathon tujhe suli pe chaDha ke rona

gham-e-dauran ne tere lutf ki mohlat hi na di

ye bhi hona tha sar-e-shab tujhe pa ke rona