apni to koi baat banae nahin bani

Bilqis Zafirul Hasan

apni to koi baat banae nahin bani

Bilqis Zafirul Hasan

MORE BYBilqis Zafirul Hasan

    apnī to koī baat banā.e nahīñ banī

    kuchh ham na kah sake to kuchh us ne nahīñ sunī

    yuuñ to chahār samt hai apne hisār-e-shab

    ham tīrgī ko chhed ke laate haiñ raushnī

    nādīda manzaroñ se tarāshe haiñ ḳhvāb zaar

    kab dar-ḳhur-e-nigah koī manzar hai dīdanī

    ochhā thā vaar us magar ham na bach sake

    kisī zahr meñ bujhā.ī thī us shaḳhs ne anī

    har-dil-azīz vo bhī hai ham bhī haiñ ḳhush-mizāj

    ab kyā batā.eñ kaise hamārī nahīñ banī

    auroñ tarah ham bhī magar jhel jā.eñge

    sab zindagī samajhte haiñ jis ko vo jāñ-kanī

    'bilqīs' apnī baat to sab se alag rahī

    nā-guftanī sunī hai kahī nā-shunīdanī

    apni to koi baat banae nahin bani

    kuchh hum na kah sake to kuchh us ne nahin suni

    yun to chahaar samt hai apne hisar-e-shab

    hum tirgi ko chhed ke late hain raushni

    nadida manzaron se tarashe hain KHwab zar

    kab dar-KHur-e-nigah koi manzar hai didani

    ochha tha war us ka magar hum na bach sake

    kisi zahr mein bujhai thi us shaKHs ne ani

    har-dil-aziz wo bhi hai hum bhi hain KHush-mizaj

    ab kya bataen kaise hamari nahin bani

    auron ki tarah hum bhi magar jhel jaenge

    sab zindagi samajhte hain jis ko wo jaan-kani

    'bilqis' apni baat to sab se alag rahi

    na-guftani suni hai kahi na-shunidani

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY