apni uljhan ko baDhane ki zarurat kya hai
apnī uljhan ko baḌhāne kī zarūrat kyā hai
chhoḌnā hai to bahāne kī zarūrat kyā hai
lag chukī aag to lāzim hai dhuāñ uTThegā
dard ko dil meñ chhupāne kī zarūrat kyā hai
umr bhar rahnā hai ta.abīr se gar duur tumheñ
phir mire ḳhvāb meñ aane kī zarūrat kyā hai
ajnabī rañg chhalaktā ho agar āñkhoñ se
un se phir haath milāne kī zarūrat kyā hai
aaj baiThe haiñ tire paas ka.ī dost na.e
ab tujhe dost purāne kī zarūrat kyā hai
saath rahte ho magar saath nahīñ rahte ho
aise rishte ko nibhāne kī zarūrat kyā hai
apni uljhan ko baDhane ki zarurat kya hai
chhoDna hai to bahane ki zarurat kya hai
lag chuki aag to lazim hai dhuan uTThega
dard ko dil mein chhupane ki zarurat kya hai
umr bhar rahna hai tabir se gar dur tumhein
phir mere KHwab mein aane ki zarurat kya hai
ajnabi rang chhalakta ho agar aankhon se
un se phir hath milane ki zarurat kya hai
aaj baiThe hain tere pas kai dost nae
ab tujhe dost purane ki zarurat kya hai
sath rahte ho magar sath nahin rahte ho
aise rishte ko nibhane ki zarurat kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
