ashk jab dida-e-tar se nikla

ashk jab dīda-e-tar se niklā

ek kāñTā sā jigar se niklā

phir na maiñ raat ga.e tak lauTā

Dūbtī shaam jo ghar se niklā

ek mayyat kī tarah lagtā thā

chāñd jab qaid-e-sahar se niklā

mujh ko manzil bhī na pahchān sakī

maiñ ki jab gard-e-safar se niklā

haa.e duniyā ne use ashk kahā

ḳhuun jo zaḳhm-e-nazar se niklā

ik amāvas kā nasība huuñ maiñ

aaj ye chāñd kidhar se niklā

jab uḌā jānib-e-manzil 'aḳhtar'

ek sho.ala mire par se niklā

ashk jab dida-e-tar se nikla

ek kanTa sa jigar se nikla

phir na main raat gae tak lauTa

Dubti sham jo ghar se nikla

ek mayyat ki tarah lagta tha

chand jab qaid-e-sahar se nikla

mujh ko manzil bhi na pahchan saki

main ki jab gard-e-safar se nikla

hae duniya ne use ashk kaha

KHun jo zaKHm-e-nazar se nikla

ek amawas ka nasiba hun main

aaj ye chand kidhar se nikla

jab uDa jaanib-e-manzil 'aKHtar'

ek shoala mere par se nikla