aur hi wo log hain jinko hai yazdan ki talash

aur hī vo log haiñ jin ko hai yazdāñ kī talāsh

mujh ko insānoñ kī duniyā meñ hai insāñ kī talāsh

maiñ nahīñ kahtā ki duniyā meñ hai ulfat kī kamī

mujh ko hai lekin isī jins-e-farāvāñ kī talāsh

bār-e-ḳhātir hai hayāt-e-pur-sukūn o pur-jumūd

maiñ vo sāhil huuñ jise rahtī hai tūfāñ kī talāsh

is jahāñ ko jab banā saktā hai vo rashk-e-iram

jaane kyuuñ insāñ ko hai firdaus-e-vīrāñ kī talāsh

ai sukūn-e-jāñ mujhe aisī hī hai terī talab

chashm-e-nam ko jis tarah rahtī hai dāmāñ kī talāsh

aur hi wo log hain jin ko hai yazdan ki talash

mujh ko insanon ki duniya mein hai insan ki talash

main nahin kahta ki duniya mein hai ulfat ki kami

mujh ko hai lekin isi jins-e-farawan ki talash

bar-e-KHatir hai hayat-e-pur-sukun o pur-jumud

main wo sahil hun jise rahti hai tufan ki talash

is jahan ko jab bana sakta hai wo rashk-e-iram

jaane kyun insan ko hai firdaus-e-viran ki talash

ai sukun-e-jaan mujhe aisi hi hai teri talab

chashm-e-nam ko jis tarah rahti hai daman ki talash