azab aae the aise ki phir na ghar se gae

Obaidullah Aleem

azab aae the aise ki phir na ghar se gae

Obaidullah Aleem

MORE BYObaidullah Aleem

    azaab aa.e the aise ki phir na ghar se ga.e

    vo zinda log mire ghar ke jaise mar se ga.e

    hazār tarah ke sadme uThāne vaale log

    na jaane kyā huā ik aan meñ bikhar se ga.e

    bichhaḌne vāloñ dukh ho to soch lenā yahī

    ki ik navā-e-pareshāñ the rahguzar se ga.e

    hazār raah chale phir vo rahguzar aa.ī

    ki ik safar meñ rahe aur har safar se ga.e

    kabhī vo jism huā aur kabhī vo ruuh tamām

    usī ke ḳhvāb the āñkhoñ meñ ham jidhar se ga.e

    ye haal ho gayā āḳhir tirī mohabbat meñ

    ki chāhte haiñ tujhe aur tirī ḳhabar se ga.e

    mirā rañg the to kyuuñ na bas rahe mujh meñ

    mirā ḳhvāb the to kyuuñ mirī nazar se ga.e

    jo zaḳhm zaḳhm-e-zabāñ bhī hai aur numū bhī hai

    to phir ye vahm hai kaisā ki ham hunar se ga.e

    azab aae the aise ki phir na ghar se gae

    wo zinda log mere ghar ke jaise mar se gae

    hazar tarah ke sadme uThane wale log

    na jaane kya hua ek aan mein bikhar se gae

    bichhaDne walon ka dukh ho to soch lena yahi

    ki ek nawa-e-pareshan the rahguzar se gae

    hazar rah chale phir wo rahguzar aai

    ki ek safar mein rahe aur har safar se gae

    kabhi wo jism hua aur kabhi wo ruh tamam

    usi ke KHwab the aankhon mein hum jidhar se gae

    ye haal ho gaya aaKHir teri mohabbat mein

    ki chahte hain tujhe aur teri KHabar se gae

    mera hi rang the to kyun na bas rahe mujh mein

    mera hi KHwab the to kyun meri nazar se gae

    jo zaKHm zaKHm-e-zaban bhi hai aur numu bhi hai

    to phir ye wahm hai kaisa ki hum hunar se gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY