baad-e-sahra ko rah-e-shahr pe Dala kis ne

bād-e-sahrā ko rah-e-shahr pe Daalā kis ne

tār-e-vahshat ko garebāñ se nikālā kis ne

muḳhtasar baat thii, phailī kyuuñ sabā kī mānind

dard-mandoñ kā fasāna thaa, uchhālā kis ne

bastiyoñ vaale to ḳhud oḌh ke patte, so.e

dil-e-āvāra tujhe raat sambhālā kis ne

aag phūloñ kī talab meñ thii, havāoñ pe rukī

nazr-e-jāñ kis kī huii, raah se Taalā kis ne

kāñch kī raah pe ik rasm-e-safar thī mujh se

ba.ad mere bunā har gaam pe jaalā kis ne

baad-e-sahra ko rah-e-shahr pe Dala kis ne

tar-e-wahshat ko gareban se nikala kis ne

muKHtasar baat thi, phaili kyun saba ki manind

dard-mandon ka fasana tha, uchhaala kis ne

bastiyon wale to KHud oDh ke patte, soe

dil-e-awara tujhe raat sambhaala kis ne

aag phulon ki talab mein thi, hawaon pe ruki

nazr-e-jaan kis ki hui, rah se Tala kis ne

kanch ki rah pe ek rasm-e-safar thi mujh se

baad mere buna har gam pe jala kis ne