baal-o-par hon to faza kafi hai
bāl-o-par hoñ to fazā kaafī hai
varna parvāz-e-anā kaafī hai
ham gumāñ-gasht parindoñ ke liye
āsmāñ bhī ho to nā-kāfī hai
is ḳhudā.ī se nahīñ koī ġharaz
ham ko bas nām-e-ḳhudā kaafī hai
ye jo ik harf-e-duā hai lab par
nā-rasā ho ki rasā kaafī hai
kuchh nahīñ zaat ke sahrā meñ magar
muntashir hone ko jā kaafī hai
zard patte meñ koī nuqta-e-sabz
apne hone kā patā kaafī hai
baal-o-par hon to faza kafi hai
warna parwaz-e-ana kafi hai
hum guman-gasht parindon ke liye
aasman bhi ho to na-kafi hai
is KHudai se nahin koi gharaz
hum ko bas nam-e-KHuda kafi hai
ye jo ek harf-e-dua hai lab par
na-rasa ho ki rasa kafi hai
kuchh nahin zat ke sahra mein magar
muntashir hone ko ja kafi hai
zard patte mein koi nuqta-e-sabz
apne hone ka pata kafi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
