badan ko jaan se juda ho ke zinda rahna hai
badan ko jaañ se judā ho ke zinda rahnā hai
ye faisla hai fanā ho ke zinda rahnā hai
yahī nahīñ ki mire gird khīñchnī haiñ hadeñ
mire ḳhudā ne ḳhudā ho ke zinda rahnā hai
hazāroñ log the tauq-e-anā sajā.e hue
faqat mujhe hī rihā ho ke zinda rahnā hai
mujhe to ḳhair shab-e-hijr maar Dālegī
tumheñ to mujh se judā ho ke zinda rahnā hai
durust hai ki judā.ī meñ maut aa jaa.e
magar ye kyā ki ḳhafā ho ke zinda rahnā hai
kisī ko maut na aa.ī kisī ke marne par
sabhī ne dukh se sivā ho ke zinda rahnā hai
badan ko jaan se juda ho ke zinda rahna hai
ye faisla hai fana ho ke zinda rahna hai
yahi nahin ki mere gird khinchni hain haden
mere KHuda ne KHuda ho ke zinda rahna hai
hazaron log the tauq-e-ana sajae hue
faqat mujhe hi riha ho ke zinda rahna hai
mujhe to KHair shab-e-hijr mar Dalegi
tumhein to mujh se juda ho ke zinda rahna hai
durust hai ki judai mein maut aa jae
magar ye kya ki KHafa ho ke zinda rahna hai
kisi ko maut na aai kisi ke marne par
sabhi ne dukh se siwa ho ke zinda rahna hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
