baghair uske ab aaram bhi nahin aata
baġhair us ke ab ārām bhī nahīñ aatā
vo shaḳhs jis kā mujhe naam bhī nahīñ aatā
usī kī shakl mujhe chāñd meñ nazar aa.e
vo māh-ruḳh jo lab-e-bām bhī nahīñ aatā
karūñgā kyā jo mohabbat meñ ho gayā nākām
mujhe to aur koī kaam bhī nahīñ aatā
biThā diyā mujhe dariyā ke us kināre par
jidhar hubāb tahī-jām bhī nahīñ aatā
churā ke ḳhvāb vo āñkhoñ ko rehn rakhtā hai
aur us ke sar koī ilzām bhī nahīñ aatā
baghair us ke ab aaram bhi nahin aata
wo shaKHs jis ka mujhe nam bhi nahin aata
usi ki shakl mujhe chand mein nazar aae
wo mah-ruKH jo lab-e-baam bhi nahin aata
karunga kya jo mohabbat mein ho gaya nakaam
mujhe to aur koi kaam bhi nahin aata
biTha diya mujhe dariya ke us kinare par
jidhar hubab tahi-jam bhi nahin aata
chura ke KHwab wo aankhon ko rehn rakhta hai
aur us ke sar koi ilzam bhi nahin aata
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
