bahut suna tha ki khulta hai par nahin khulta

bahut sunā thā ki khultā hai par nahīñ khultā

ḳhudā ke vāste bande kā ghar nahīñ khultā

vo ek sher jo khultā hai saarī mahfil pe

vo jis pe khulnā hai us pe magar nahīñ khultā

hamāre qad ke mutābiq jise banāyā thā

vahī vo dar hai jo bālisht-bhar nahīñ khultā

bane hue haiñ ajā.eb-gharoñ kī zīnat ham

par apne vāste apnā hī dar nahīñ khultā

tumheñ pahuñchnā hai 'iqbāl' 'mīr' 'ġhālib' tak

magar vo rāsta shāyad idhar nahīñ khultā

kare kī minnateñ karte haiñ ek muddat se

magar nasīb meñ apne safar nahīñ khultā

savāl dastakeñ de ki hue fanā 'fānī'

jahāñ javāb hai bas vo hī dar nahīñ miltā

bahut suna tha ki khulta hai par nahin khulta

KHuda ke waste bande ka ghar nahin khulta

wo ek sher jo khulta hai sari mahfil pe

wo jis pe khulna hai us pe magar nahin khulta

hamare qad ke mutabiq jise banaya tha

wahi wo dar hai jo baalisht-bhar nahin khulta

bane hue hain ajaeb-gharon ki zinat hum

par apne waste apna hi dar nahin khulta

tumhein pahunchna hai 'iqbaal' 'mir' 'ghaalib' tak

magar wo rasta shayad idhar nahin khulta

kare ki minnaten karte hain ek muddat se

magar nasib mein apne safar nahin khulta

sawal dastaken de ki hue fana 'fani'

jahan jawab hai bas wo hi dar nahin milta