be-naqab unki jafaon ko kiya hai maine

be-naqāb un kī jafāoñ ko kiyā hai maiñ ne

vaqt ke haath meñ ā.īna diyā hai maiñ ne

ḳhuun ḳhud shauq o tamannā kā kiyā hai maiñ ne

apnī tasvīr ko ik rañg diyā hai maiñ ne

ye to sach hai ki nahīñ apne garebāñ kī ḳhabar

terā dāman to ka.ī baar siyā hai maiñ ne

rasan o daar kī taqdīr jagā dī jis ne

terī duniyā meñ vo ailān kiyā hai maiñ ne

harf aane na diyā ishq kī ḳhuddārī par

kaam nākām tamannā se liyā hai maiñ ne

jab kabhī un kī jafāoñ kī shikāyat kī hai

tajziya apnī vafā kā bhī kiyā hai maiñ ne

muddatoñ baad jo is raah se guzrā huuñ 'qamar'

ahd-e-rafta ko bahut yaad kiyā hai maiñ ne

be-naqab un ki jafaon ko kiya hai main ne

waqt ke hath mein aaina diya hai main ne

KHun KHud shauq o tamanna ka kiya hai main ne

apni taswir ko ek rang diya hai main ne

ye to sach hai ki nahin apne gareban ki KHabar

tera daman to kai bar siya hai main ne

rasan o dar ki taqdir jaga di jis ne

teri duniya mein wo ailan kiya hai main ne

harf aane na diya ishq ki KHuddari par

kaam nakaam tamanna se liya hai main ne

jab kabhi un ki jafaon ki shikayat ki hai

tajziya apni wafa ka bhi kiya hai main ne

muddaton baad jo is rah se guzra hun 'qamar'

ahd-e-rafta ko bahut yaad kiya hai main ne