begana-e-shuur-e-wafa ho gaya wo shaKHs

begāna-e-shu.ūr-e-vafā ho gayā vo shaḳhs

ye kyā huā ki mujh se ḳhafā ho gayā vo shaḳhs

jis se milī thī merī tamanna ko raushnī

ai tīrgī-e-baḳht ḳhafā ho gayā vo shaḳhs

utrā thā bū-e-gul kī tarah merī ruuh meñ

aisā gayā ki mauj-e-havā ho gayā vo shaḳhs

ham ne jise sahīfa-e-ulfat samajh liyā

be-mehrī-e-jahāñ kī adā ho gayā vo shaḳhs

allah re us kī yaad ke gajre hare raheñ

ujḌe hue diloñ kī davā ho gayā vo shaḳhs

sunte haiñ ek 'faiz' ġharīb-ud-dayār thā

haq maġhfirat kare ki qazā ho gayā vo shaḳhs

begana-e-shuur-e-wafa ho gaya wo shaKHs

ye kya hua ki mujh se KHafa ho gaya wo shaKHs

jis se mili thi meri tamanna ko raushni

ai tirgi-e-baKHt KHafa ho gaya wo shaKHs

utra tha bu-e-gul ki tarah meri ruh mein

aisa gaya ki mauj-e-hawa ho gaya wo shaKHs

hum ne jise sahifa-e-ulfat samajh liya

be-mehri-e-jahan ki ada ho gaya wo shaKHs

allah re us ki yaad ke gajre hare rahen

ujDe hue dilon ki dawa ho gaya wo shaKHs

sunte hain ek 'faiz' gharib-ud-dayar tha

haq maghfirat kare ki qaza ho gaya wo shaKHs