behaal se hum kyon rahte hain kyon chaak hai daman kya kahiye
behaal se hum kyon rahte hain kyon chaak hai daman kya kahiye
Pandit Vidya Rattan Asi
MORE BYPandit Vidya Rattan Asi
behāl se ham kyoñ rahte haiñ kyoñ chaak hai dāman kyā kahiye
ye jog liyā hai barsoñ se ham ne kis kāran kyā kahiye
ye manzil-e-haq ke dīvāno kuchh soch karo kuchh kar guzro
kyā jaane kab kyā kar guzre ye vaqt kā rāvan kyā kahiye
ik vo bhī aalam thā ki tirī pal bhar kī judā.ī Dastī thī
ab soch hai kyoñ kar kāTeñge parbat ye jīvan kyā kahiye
zaḳhmoñ pe zaḳhm bhī khātā hai is par bhī ye kab baaz aatā hai
phir pyaar ke naġhme gaatā hai is dil kā laḌakpan kiyā kahiye
jab yaad kisī kī aa.ī hai ham ḳhuun ke aañsū ro.e haiñ
ai 'āsī' yuuñ bhī āñkhoñ se barsā hai sāvan kyā kahiye
behaal se hum kyon rahte hain kyon chaak hai daman kya kahiye
ye jog liya hai barson se hum ne kis karan kya kahiye
ye manzil-e-haq ke diwano kuchh soch karo kuchh kar guzro
kya jaane kab kya kar guzre ye waqt ka rawan kya kahiye
ek wo bhi aalam tha ki teri pal bhar ki judai Dasti thi
ab soch hai kyon kar kaTenge parbat ye jiwan kya kahiye
zaKHmon pe zaKHm bhi khata hai is par bhi ye kab baz aata hai
phir pyar ke naghme gata hai is dil ka laDakpan kiya kahiye
jab yaad kisi ki aai hai hum KHun ke aansu roe hain
ai 'asi' yun bhi aankhon se barsa hai sawan kya kahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
