beTe ko saza de ke ajab haal hua hai
beTe ko sazā de ke ajab haal huā hai
dil pahroñ mirā karb ke dozaḳh meñ jalā hai
aurat ko samajhtā thā jo mardoñ kā khilaunā
us shaḳhs ko dāmād bhī vaisā hī milā hai
har ahl-e-havas jeb meñ bhar laayā hai patthar
ham-sā.e kī bairī pe abhī bor paḌā hai
ab tak mire a.asāb pe mehnat hai musallat
ab tak mire kānoñ meñ mashīnoñ kī sadā hai
ai raat mujhe maañ kī tarah god meñ le le
din bhar kī mashaqqat se badan TuuT rahā hai
shāyad maiñ ġhalat daur meñ utrā huuñ zamīñ par
har shaḳhs tahayyur se mujhe dekh rahā hai
beTe ko saza de ke ajab haal hua hai
dil pahron mera karb ke dozaKH mein jala hai
aurat ko samajhta tha jo mardon ka khilauna
us shaKHs ko damad bhi waisa hi mila hai
har ahl-e-hawas jeb mein bhar laya hai patthar
ham-sae ki bairi pe abhi bor paDa hai
ab tak mere aasab pe mehnat hai musallat
ab tak mere kanon mein mashinon ki sada hai
ai raat mujhe man ki tarah god mein le le
din bhar ki mashaqqat se badan TuT raha hai
shayad main ghalat daur mein utra hun zamin par
har shaKHs tahayyur se mujhe dekh raha hai
- Book : intekhab-e-zarrin (Pg. 343)
- Author : Khvaja Mohammad Zakariya
- Publication : Sangeet publication (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
