bhaTke hue aali se puchho ghar wapas kab aaega

Jameeluddin Aali

bhaTke hue aali se puchho ghar wapas kab aaega

Jameeluddin Aali

MORE BYJameeluddin Aali

    bhaTke hue aalī se pūchho ghar vāpas kab aa.egā

    kab ye dar-o-dīvār sajeñge kab ye chaman lahrā.egā

    suukh chale vo ġhunche jin se kyā kyā phuul ubharne the

    ab bhī na un pyaas bujhī to ghar jañgal ho jā.egā

    kam kirneñ aisī haiñ jo ab tak raah usī taktī haiñ

    ye añdhiyārā aur rahā to phir na ujālā aa.egā

    samjhā hai apne-āp se chhuT kar saarā zamāna dekh liyā

    dekhnā! apne-āp meñ aa kar ye kyā kyā sharmā.egā

    aisī gyaan aur dhyān bāteñ ham jāne-pahchānoñ se

    āḳhir bhūlā kyā thā tujh ko kyā yaad aa.egā

    kuchh chhoTe chhoTe dukh apne kuchh dukh apne azīzoñ ke

    in se jīvan bantā hai so jīvan ban jā.egā

    chaar baras se begāne haiñ so ham kyā begāne haiñ

    rūThne vaalā jīvan-sāthī do din meñ man jā.egā

    kis kis raag ke kyā kyā sur haiñ kis kis sur ke kyā kyā raag

    sīkhe na sīkhe gaane vaalā be-sīkhe bhī gā.egā

    'ālī'-jī ab aap chalo tum apne bojh uThā.e

    saath bhī de to āḳhir pyāre koī kahāñ tak jā.egā

    bhaTke hue aali se puchho ghar wapas kab aaega

    kab ye dar-o-diwar sajenge kab ye chaman lahraega

    sukh chale wo ghunche jin se kya kya phul ubharne the

    ab bhi na un ki pyas bujhi to ghar jangal ho jaega

    kam kirnen aisi hain jo ab tak rah usi ki takti hain

    ye andhiyara aur raha to phir na ujala aaega

    samjha hai apne-ap se chhuT kar sara zamana dekh liya

    dekhna! apne-ap mein aa kar ye kya kya sharmaega

    aisi gyan aur dhyan ki baaten hum jaane-pahchanon se

    tu aaKHir bhula hi kya tha tujh ko kya yaad aaega

    kuchh chhoTe chhoTe dukh apne kuchh dukh apne azizon ke

    in se hi jiwan banta hai so jiwan ban jaega

    chaar baras se begane hain so hum kya begane hain

    ruThne wala jiwan-sathi do din mein man jaega

    kis kis rag ke kya kya sur hain kis kis sur ke kya kya rag

    sikhe na sikhe gane wala be-sikhe bhi gaega

    'ali'-ji ab aap chalo tum apne bojh uThae

    sath bhi de to aaKHir pyare koi kahan tak jaega

    Source :
    • Book : Range-e-Gazal (Pg. 174)
    • Author : shahzaad ahmad
    • Publication : Ali Printers, 19-A Abate Road, Lahore (1988)
    • Edition : 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY